TAURICA Chersonesus

TAURICA Chersonesus

Ptol. Scythica Straboni, Peninsula Taurorum Plin. l. 4. c. 12. Chersonesus Pontica Appiano, vulgo tartaria minore Europaeis et Italis, Gazaria aliis, et incolis Precopska, peninsula Europae Peloponneso aequalis, secundum Strabonem, cuius fines sunt Isthmus, Plaus Maeotis, Pontus et Cimmerius Bosporus. Ibi Taphrae in Isthmo, Precopensium Tattarorum regia, et Theodosia apud Cimmerium Bosphorum, a Taphris in Ortum supra 200. mill. pass. sub Turcis, sedes Satrapae, cum olim Genuensibus pareret, et Panticapaea ad eundem Bosphorum, a Theodosia 30. mill. pass. Ferrar. Famosa olim arâ Dianae, sive ut Herodotus vult. Iphigeniae

Agamemnonis filiae, cui ibi humanis hostiis immolatum. Ovid. Trist. l. 4. El. 4. Qu. Curtius, l. 4. Augustin. de Civ. Dei, l. 7. c. 19. et 26. Haec ara postea Ariciam in Italiam transtata est, teste vetere Scholiaste ad Ep. Horati ad Pisones, v. 16. Ovid. Pont. l. 1 Ep. 2. v. 79.

Aut quid Sauromatae faciant, quid Iazyges acres,

Cultaque Oresteae Tauricaterrae Deae?

Lucan. l. 1. v. 446.

Et Taranis Scythicaenon mitior ara Dianae.

Iuvenal. Sat. 15. v. 117.

——– Quippe illa nefandi Taurica sacri

Inventrix. ———

Nic. Lloydius. Baudrando Chersonesus haec, vulgo Crimsky incolis, la Tartarie du Krim ou de Perecop Gallis, seu la petite Tartarie, habet a meridie Pontum Euxinum, ab ortu Bosphorum Cimmerium, ab occasu Carcinitem sinum, et a septentrione Bugem lacum et Paludem Moeotidem; subestque dominio proprii Principis, qui Turcarum vectigalis est, et cui parent Tartari Nogaicenses, les Nogais, extra Chersonesum et inter ostia Tanais et Borysthenis fluviorum Tauricae. Circuitus est 550. mill. pass. circiter: et eius urbs praecipua est Bacasara, Baciesaray, Principis sedes. Sed Cavum, hodie Caffa, subest dominio turcarum. Distat Taurica Chersonesus 240. mill. pass. ab ostio Tirae fluvii in ortum, 360. ab ostio Tanais in Africum. eius promontorium Australe Criumetopon dictum, distat 350. mill. pass. a Byzantio in Caeciam, et eius Isthmus prope Perecopiam urbem distat 460. mill. pass. a Moscua urbe in meridiem. Taurica dicta fuit Gazaria ab antiquis, ac celebris fuit tum propter soli ubertatem, tum propter piscationes. Longô tempore sub variis fuit dominis, qui Principes Bosphorani vocabantur, ac confusa fuit regiminis forma, donec eam Tauri Scythae pop0uli occupârunt, et Tauricam eam denominârunt. Mithridates postea Rex Ponti hos devicit, et provinciam vasto suo adiecit Imperio. Sed a romanis victus, non Tauricam modo, sed et Pontum amisit: et post hanc victoriam Romani novos in hisce partibus constituerunt Reges, quos Bosphori Reges appellârunt. In Imperii divisione hae provinciae Orienti adscriptae sunt, quô nomine etiam Genuenses maiorem ac meliorem Tauricae partem classibus suis occupârunt, et totam fere maritimam Provinciae partem possederunt. Annô postea 1250. Tartari in eam ingressi, Genuenses quidem non prorsus expulerunt, quam vis maximis eos affecerint damnis, donec in dona quaedam tributorum locô consentire coacti sunt, Tartaris reliquum tam in Paludis Maeotidis et Ponti Euxinilittoribus, quam in continenti, ac etiam extra Peninsulam eam Scythiae partem, quae Nogaia dicitur, possidentibus. Sed ex quo Mahumetes II. Turcarum Imperator Constantinopolim expugnavit A. C. 1452. Genuenses paulo post e Taurica eiecit, et Caffam alique oppida orae meridionalis suo subiecit imperio.

Tauricae Chersonesi urbes.

Assyrani, seu Baccasara, Baciesaray, Principis seds. Carasini, Karasu, Cavum, Caffa. Cherronitarum portus, seu Cossovia, Coslow. Cimmerium, seu Crimea, Solat deu Crimenda. Pallacium, Baluclawa. Panticapaeum, Pantico. Taphrae, seu Neapolis, Or et Perecop. Tractari, Mancup, arx munita.